Քաղաքի բնակիչների հետ շփումը մեր աշխատանքի կարևոր մասն է: Մենք ամեն օր քաղաքացիներից տեղեկանում ենք քաղաքի խնդիրների մասին և համատեղ փնտրում դրանց լուծման ուղիները։
Համայնքի հետ մեր աշխատանքի շրջանակում կազմակերպում ենք հետաքրքիր հանդիպումներ, սեմինարներ մասնագետների հետ, ռազմավարական սեսիաներ դպրոցականների համար, թեմատիկ և տոնական միջոցառումներ տարբեր տարիքի մարդկանց համար։
Ամեն տարի, ի պատիվ Դիլիջան քաղաքի օրվա, քաղաքային զբոսայգում մենք կազմակերպում ենք տարբեր միջոցառումներ բնակիչների համար, հրավիրում ենք հայտնի արտիստների, որպեսզի հանդես գան տոնական համերգի ժամանակ և քաղաքին տալիս ենք նվեր, որն օգնում է տարանջատել ժամանցը քաղաքացիների և զբոսաշրջիկների համար: Այսպիսով, անցյալ տարի քաղաքի բնակիչներին երեք խաղահրապարակ ենք նվիրել, որոնք տեղադրվել են քաղաքի տարբեր բնակելի թաղամասերում։
Ամանորին ընդառաջ Դիլիջանի և հարակից գյուղերի երեխաների համար հրավիրում ենք թատրոններ ամանորի ներկայացումներով։
2021 թվականին մեր կազմակերպած ամանորի ներկայացումներին ներկա են եղել ավելի քան 800 դիլիջանցի երեխաներ։ Հատուկ հրավիրված էին Ամո Խարազյանի անվան և Հենրիկ Մալյանի անվան թատրոնների արտիստներ։
Ներկայացումից հետո երեխաները ստացան քաղցրավենիք և գունազարդման գիրք, որը ներկել էին հատուկ տոնի համար. գունազարդման գրքում Իմպուլս գեղարվեստական կերպարը երեխաներին ծանոթացնում է Դիլիջանի հետ և խրախուսում է մեր քաղաքը դարձնել ավելի լավը:
Դիլիջանի համայնքային կենտրոնի և Cascade People & Business-ի հետ միասին անցկացրինք «Ինչպես եմ պատկերացնում Դիլիջանը վաղը» մանկական ռազմավարավական սեսիա 7-11-րդ դասարանների դպրոցականների համար։ Սեսիայի շնորհիվ մենք իմացանք, թե ապագայի ինչ տեսլական ունեն երիտասարդ դիլիջանցիները։ Օգնեցինք երեխաներին հասկանալ և սահմանել իրենց դերը քաղաքի կյանքում: Մենք ծանոթացանք նրանց կարծիքներին Դիլիջանում ապրելու դրական և բացասական կողմերի մասին և քննարկեցինք, թե ինչպես կարող են երիտասարդ դիլիջանցիները ներգրավվել ապագա ծրագրերում:
Մասնակիցները 50 հոգի էին, որոնց միացան մեր ընկերության աշխատակիցները։ Միասին ներկայացրինք 10 նախագիծ, որոնք պետք է ավելի հարմարավետ դարձնեն Դիլիջանի կյանքը։
Թիմերը նախագծեր էին պատրաստել՝ ստեղծելու անասնաբուժական կլինիկա, որտեղ հնարավոր կլինի ստերիլիզացնել անօթևան կենդանիներին, 2 նախագիծ՝ ստեղծելու քաղաքային սահադաշտ, կինոթատրոն, կանաչապատ տարածքներ, քաղաքային ջերմոցներ, արվեստի տարածք, առևտրի կենտրոն և այլն: Դեռահասները տպավորեցին իրենց ակտիվությամբ, խորը մտածողությամբ և հետաքրքիր մտքերով։ Մենք շարունակում ենք ռազմավարական նիստի մասնակիցներին ներգրավել տարբեր ոլորտների մեր նախագծերում՝ էկոլոգիա, սպորտ, ժամանց, կենդանիների կլինիկա և այլն։
Վստահ ենք, որ, միայն քաղաքի բնակիչների հետ համագործակցելով և սերտ շփվելով, կկարողանանք ծանոթանալ մեր աչքին անտեսանելի քաղաքի խնդիրներին, լուծել դրանք՝ բարելավելով քաղաքի կյանքի որակը։
Դիլիջանի համայնքային կենտրոնը (ԴՀԿ)
Դիլիջանի համայնքային կենտրոնը (ԴՀԿ) ստեղծվել է Դիլիջանի երիտասարդական կենտրոնի հիման վրա, որը հիմնադրվել է 2014թ.-ին՝ բարերարներ Ռուբեն Վարդանյանի և Վերոնիկա Զոնաբենդի կողմից: Երիտասարդական կենտրոնի հիմնադրման նպատակն էր ծառայել որպես հարթակ՝ Դիլիջանի միջազգային դպրոցի (UWCD) ուսանողների և Դիլիջան համայնքի երիտասարդների համագործակցության համար։
2020թ․-ի հունիսին Դիլիջանի համայնքային կենտրոնը ձեռք է բերել հասարակական կազմակերպության կազմակերպակաիրավական կարգավիճակ՝ «Դիլիջանի համայնքային կենտրոն» հասարակական կազմակերպություն (ՀԿ), որի հիմնադիր անդամներն են «Սքոլաե Մունդի Արմենիա» բարեգործական հիմնադրամը, «Հայաստանի Զարգացման Նախաձեռնություններ» բարեգործական հիմնադրամը, Դիլիջանի միջազգային դպրոցը (UWC Dilijan International School)։
2021թ․-ի հունվարին Դիլիջանի համայնքային կենտրոնը դարձավ «Դի-Վի-Վի Ինթերնեյշնալ»-ի մեծահասկաների կրթության 4-րդ կենտրոնը Հայաստանում՝ հայտնելով իր պատրաստակամությունը համագործակցելու մեծահասակների ոչ ֆորմալ կրթության ոլորտում։
Հիմնադրման օրվանից մինչ օրս Դիլիջանի համայնքային կենտրոնն ունեցել է 16000 շահառու, իրականացրել է շուրջ 6250 դասընթաց, վերապատրաստում և համայնքային միջոցառում, հիմնել է 60 և ավելի գործընկերություն։
Դիլիջանի համայնքային կենտրոնի գործունեության չորս հիմնական ուղղություններն են՝ փոփոխությունների վրա հիմնված կրթություն, համայնքային հզորացում, մշակույթ եւ սպորտ։
