«Բարեկամության այգին» Գյումրու վերածննդի առանցքային ծրագրերից մեկն է։ Այգին կառուցվել է 1960-ականներին քաղաքի կենտրոնական թաղամասերից մեկում՝ 7,2 հեկտար տարածքում, սակայն 1988 թվականի ավերիչ երկրաշարժից հետո այն քանդվել է։
Այգին կմիացնի քաղաքի պատմական կենտրոնը, բնակելի և արդյունաբերական գոտիները, այն կդառնա յուրօրինակ կամուրջ «հին» և «նոր» Գյումրիի, ավանդույթների, անցյալի ու ապագայի միջև։ Բարեկամության այգին ցույց կտա, որ քաղաքի պատմությունը շարունակվում է, որ Գյումրին կենդանի է և առաջ է գնում։
Ի հավելումն, Բարեկամության այգին նախատեսվում է դառնալ ևս մեկ հիմնարար նախագիծ Հայաստանի համար, որը միավորելու է երեք հիմնական ոլորտներ:
- Քաղաքաշինություն. այն զգալիորեն կբարելավի Գյումրիի գործող քաղաքային ենթակառուցվածքները և կընդլայնի հանրային կանաչ տարածքի ընդհանուր տարածքը:
- Զբոսաշրջություն. այգին կհանդիսանա Գյումրու առկա զբոսաշրջային կարևորագույն վայրերից մեկը և կդառնա եզակի տարածք միջազգային, տարածաշրջանային և տեղական միջոցառումներ անցկացնելու համար։
- Սոցիալական ձեռնարկություն. այգին կդառնա տեղական ձեռնարկությունների և Գյումրու ստեղծագործական ներուժի հյուրընկալման և խթանման հարթակ: Այն կդառնա քաղաքի հասարակական և մշակութային կյանքի կենտրոնը, որը զբոսաշրջիկներին հնարավորություն կտա առաջնահերթություն տալ իրենց այցելության վայրը:
Այգին կդառնա նաև բարեկամության խորհրդանիշ և երախտագիտության նշան այն երկրներին, որոնք աջակցել են երկրաշարժից հետո քաղաքի վերականգնմանը:
